تلات تلوان

الدنيا دى تلات تلوان وبس ........ اه والله كل الالوان اللى فى الدنيا عبارة عن خليط بنسب معينة من لونين او تلاتة ..... واختلف النسب والخلط هو اللى بيحدد اللوان اللى بيظهر قدمنا ...... طب ايه علاقة ده بمدونة سيرة الحب او الحب من اساسه ( اكيد هتفتكرو انى مفيش علاقة ..... وانى مسطوال ) لافى علاقة كبيرة قوى
الدنيا دى فيها تلات علاقات ما لهومش رابع ...... وبخلط العلاقات دى ببعض بيظهر الاختلاف فى العلاقات الانسانية يعنى ايه
اللوان الاوال هو الحب ...... وده ربنا بيزرعة فى قلوبنا من يوم ما بنتولد ...... فى انسان طبيعى لازم يكون قلبه فيه حب ..... ومش شرط يكون حب من اللى فى بالكم ( سيبوكم من الافلام والاغانى ...... ممكن يكون حب ابسط بكتير ..... يعنى بتحب الاكل واللعب و الشقوة وانت صغير ...... ولما تكبر شويه تحب اللى بالى بالك ..... وربنا يسترها علينا ).... المهم ان الحب ده هو الشعور الاساسى عند البنى ادم الطبيعى ........ ولو معندكش الاوبشن ده ...... يبقى لازم تكشف عند اى دكتور
اللوان التانى هو الكره ....... وده الشيطان بيولده فى قلوبنا ...... وبيكبر مع الزمن ومعانا ..... لحد ما فى يوم من الايام نكره نفسنا وطبعا بنكره اللى حاولنا ....... وده الحمد لله موجود فى المجتمع بنسبة (كبيرة -صغيرة )اختار اللى انت شايفة ومن غير ما تكذب على نفسك وانت هتعرف احنا وصلنا لفين ..... المهم انت هتختار ايه ..... حب ولا كره ..... وطبعا ده مش محتاج كذب لانك مش هتكدب على نفسك ...... وفى الاوال والاخر هتلاقى ناس تعرفهم هنا وناس تعرفهم هناك ( ما تخفش مش هتبقى لوحداك )
قبل ما اقوال اللوان التالت ...... فى حد بيسال عن الشعور المحايد ( ولا بحبه ولا بكره )..... ياسيدى ده خليط بين الحب والكره بس بنسبة متساوية ..... والشعور المحايد ده بيبقى فى الاوال بس وبعد كده بيتجه للجانب اللى بيريحه ( من الاخر للجانب اللى انت متعاود عليه )
اللوان التالت ........ التجاهل .... انا لسه مكتشف اللوان ده جديد وده ريحنى قوى ..... تعرف يعنى ايه متشوفش اللى قدامك فراغ مش موجود ولا كانه هنا ولو شوفته كانك ماشوفتوش ولو سمعته كانك ما سمعتوش..... فراغ ..... فلا انت بتحبه وتشغل دماغك بيه ولا انت بتكره وتوجع قلبك بيه ولا كانه هنا .....هو ولا حاجة خالص .....كان ما فيش كائن بالاسم ده وصدقونى انك تتجاهل حد (بس بشرط انك تتجاهلة تماما وكانه فعلا مش موجود ) هتحس براحة اكتر من انك تكره حد
ولو حد سالنى على اكتر لوان بحبه ...... هقوال اللوان التالت ....... ويظهر ان رقم تلاتة ده مكتوب على دنيا واخرة .

كل يوم حب ( اه ولا)

بجد موضوع الحب ده عجيب وغريب ..... ما حدش فى الدنيا دى كلها يقدر يفسر لينا ايه اللى بيحصل بالظبط .....

ممكن تلاقى حد بيقولك انه لايمكن يحب تانى ابدا (طبعا قصده النهاردة .... وخصوصا اذا كان لسه واخد الصابونة ) وتانى يوم تلاقيه فرحان وبيغنى لما النسيم بيعدى قال بيحب جديد اوعى تستغرب او تستعجب ..... ولا تقول عليه مجنون اصل الموضوع ببساطة مش بايده خالص ...... دى حاجة بتاعت ربنا ( ربانى ) زى الزرع اللى بيطلع من غير ما حد يزرعه .... الناس بتقول زرع ربانى ( فى ناس بتقول زرع شيطانى ) ..... علشان كده الحب مش اوبشن فى ايداينا ممكن نغيره زى ما احنا عايزين از حتى نعمله دليت ..... الموضوع ببساطة مش فى ايداينا ........ دى حاجة ربانى .... فلو حد قال قدامك لايمكن احب تانى انا قلبى خلاص مات ..... ولاكانك سمعت حاجة

فى حاجة غريبة قوى ..... تلاقى حد بيقولك انا عملت المستحيل لفلان من غير ما يطلب والندل الخسيس الجبان .... الى اخره من قاموس الشتائم الممكنة والغير ممكنة ...... سبنى وراح يحب حد تانى ... بكرة ياخد على قفة ماهو ذنب ناس بتخلصه ناس ..... والموضوع ولا ذنب ولا حاجة ولا الموضوع اصلا بايد حد ولا هو بايدايه يحبك ولا يكرهك ...... بس الحقيقة انه بايدايه ما يجرحش اللى حبه بس .... اما الحب فده بتاع ربنا

الحب مش هو الجواز ..... ولا الجواز هو الحب ..... بمعنى انك ممكن كتير قوى تلاقى حد بيحبك وبيفهمك وبيحس بيك وزى ما بنقول كده فواله وانقسمت نصان اه والله ..... وفى الاخر يقولك خلينا اخوات ( طبعا ده اختراع جديد غير اخوة الدم وغير اخوة الرضاعة وغير اخوة الاسلام ..... دى اسمها اخوة الحب ) ماشى مع انكم عمركم ما هتكونوا اخوات ابدا ....... بس لازم تصدق ...... اعتبرها كيمياء عضوية ..... اما الجواز فممكن تلاقى ( وده كتير قوى ) حد ما عندوش مشاعر ناحية حد ويرتيط به ويكون جواز ناجح جدا ..... لانه ببساطة ومن غير زعل مجرد استعمال جسد من اجل الانجاب ..... وطالما حصل انجاب .... يبقى الحمد لله نجحو ..... وتمشى الحياة بين محاولة حب (تفشل ) فمحاولة عشرة (تفشل )فمحاولة تعود (تفشل ) فمحاولة تجنب (تفشل ) فمحاولة انتحار ( تنجح) وعجبى ..... اوعى تخدوا الموضوع بجد ..... لا الموضوع بيقى عشرة وبينجح .... ونسبة الانتحار قليلة قوى مش علشان الناس جبانة لا سمح الله ولا علشان الناس عندها ايمان قوى ..... ولكن لان الدنيا لازم تمشى وفى ناس كتير قوى كده ..... اما اللى بيتجوزو عن حب دول مجانين سيبك منهم

اكتر حاجة ممكن تضحك بجد وحده عمرها ما شافت واحد غير ساعة ما خطبها تلاقيها فرحانة وهتموت من الفرحة وهو كمان وبيحبو بعض حب ما فيش بعد منه حب وتحس بجوز كنارى قدامك طبعا بيحبو بعض زى ما كنت انا بحب الجزمة اللى ماما بتجبهالى غصب عنى للمدرسة وانا فى ابتدائى ....... محدش يزعل انا مش بقول عليكم جزم والله ولكن بقول انكم عايزين تحبو ..... فبتحبو حب المضطر اللى غصب عنه هيحب اللى قدامة ..... ومثلو طول النهار واللليل ومالة ..... ماهو ده الوقت الوحيد اللى ممكن تحبو فيه بعض ..... يمكن ربنا ينفخ فى صورتكم ( بلاش تفكير وحش وتفتكر انى كنت عايز اقول ينفخكم )....... وتحبو بعض وليه لا ...... ده حتى المثل بيقول ما محبة الا من بعد عداوة .... وانا اعرف ناس كده ..... المهم لازم نؤمن بان الجواز لا يعنى الحب

كل يوم حب

طبعا العنوان ده مش موجود فى حياتنا خالص غير عند المجانين بس
انا طول حياتى ما حبتش غير 3 مرات بس اه والله رغم ان عمرى 30 سنة بس ....... مش مهم المهم انى الحمد لله عمرى ما كرهت حد رغم ان ده بقى مستحيل فى زمنه ...... وعلشان كده كل يوم هيبقى حب
وان شاء الله عمرى ما هكره حد حتى لو دبحنى ...... مش لان المسامح كريم وبس ...... لا علشان ما فيش حد يستاهل انى اشغل دماغى بيه
وان شاء الله لينا لقاء قريب تانى ............ بس شوية صبر
ونتكلم ان شاء الله عن الحب ........ وللحب ...... وبكل الحب اشوفكم قريب .
سلام