عايز اتجوز اللى عايزة تتجوز

العنوان غريب عارف والله ........ بس محدش يفتكر انه اعلان عن طلب عروسة ....... ولا اكيد بطلب ايد حد .... الموضوع ببساطة هو....... كلنا سمعنا بالتاكيد عن المدونة الرائعة ( عايزة اتجوز ) للكاتبة الرائعة غادة عبد العال ........ وبعد كده تحولت المدونة الى كتاب ناجح جدا جدا ...... وبما ان الكتاب بيبان من عنوانه ترددت كثيرا فى قراءة هذا الكتاب ..... ما انا اساسا مش عايز اتجوز .... ولكن لان معظم اصحابى نصحونى انى اقراء الكتاب وافقت واستعرته من احدهم ...... وبدات القراءة .... ومقدرتش اقوم غير لما خلصت الكتاب ( كتاب يخليك تنسى الاكل والشرب والسجاير ...... وفق منهم الحمام اه والله ) ...... ايه الروعة دى ..... كلام بسيط من القلب بس بيوصل للقلب بسهولة ...... كوميديا سوده من المجتمع ما تقدرش تمسك نفسك من الضحك ( على راى المثل هم يضحك وهم يبكى ....... بس هنا ما فيش هم يبكى خالص ...... كله ضحك على احوالنا ) المهم بعد ما خلصت الكتاب دخلت على النت اشوف المدونة واعرف مين غادة عبد العال ...... لقيت الاتى:
اولا : هى صيدلانية ..... تعليم ولا اروع من كده ( طبعا انا متحيز لكلية الطب ...... بس مش مشكلة )
ثانيا : هى جميلة ..... وده حقيقى ( طبعا مش منى ذكى ولا نيلى كريم ..... بس جميلة )
ثالثا:هى مثقفة جدا ...... وده لاحظته من مقاطع الفيديو الخاصة بمقابلتها التلفزيونية
( ولا تدعى الثقافة ..... فهى تحمل الثقافةالشعبيةالبسيطة بدون اى تكلف )
رابعا : هى مرحة ...... ( ضحك من القلب بدون تصنع .....زى كتابتها )
وحاجات كتير قوى تخلى اى مغفل من اللى يعرفوها يطلب ايدها ....... ومع ذلك هى لسه انسة ...... المهم مش عايز حد يفكر انى بطلب ايدها او المدونة دى عربوان لطلب ايدها ..... لا يا جماعة الموضوع ببساطة ان فعلا الجواز مش بايداينا ..... واحنا مش فى ايدينا نحدد امتى ولا مين هيكون شريك حياتنا و الرجالة والستات زى بعض فى الموضوع ده ( يعنى احنا برضه غلابة مش مفتريين قوى )
وانا بضم صوتى لصوت غادة عبد العال ...... وبقول عايز اتجوز ....... ( اسف نسيت حاجة مهمة قوى ...... انا عايز اتجوز اللى بحبها وبتحبنى )
http://ar.netlog.com/clan/seartelhob